Brigante se more
(Carlo D'Angiò - Eugenio Bennato)
[Testo copiato dalla copertina interna del disco "Brigante se more" - Musicanova - Philips 1979]
Ammo pusato chitarre e tamburo
pecché sta musica s'adda cagnà
simmo briganti e facimmo paura
e cu a scuppetta (1) vulimmo cantà
E mo cantammo sta nova canzone
tutta la gente se l'adda 'mparà
nun ce ne fotte d'o re Burbone
ma 'a terra è 'a nostra e nun s'adda tucca’
Tutte e paise d'a Basilicata
se so’ scetati (2) e vonno luttà
pure 'a Calabria mo s'è arrevotata (3)
e stu nemico 'o facimmo tremmà
Chi ha visto o lupo e s'è miso paura
nun sape buono qual'è a verità
o vero lupo ca magna 'e creature
è o piemontese c'avimma caccià
Femmene belle ca date lu core
si lu brigante vulite salvà
nun 'o cercate, scurdateve 'o nome,
chi ce fà guerra nun tene pietà
Ommo se nasce, brigante se more,
ma fino all'ultimo avimma sparà
e si murimmo, menate nu fiore
e na bestemmia pe' sta’ libertà
(1) schioppo
(2) svegliati
(3) rivoltata